ყვარლის მუნიციპალიტეტის ტერიტორიაზე, სადაც გუშინ უპილოტო საფრენი აპარატი ჩამოვარდა, სამართდლამცველები მუშაობენ.

ადგილი, სადაც საფრენი აპარატი ჩამოვარდა, დასახლებული პუნქტიდან ორი კილომეტრითაა დაშორებული. აფეთქების შედეგად არავინ დაშავებულა. სავარაუდოდ, უპილოტო საფრენი აპარატი ერთ-ერთი ადგილობრივის ვენახში ჩამოვარდა. დამწვარია ვენახის რამდენიმე რიგი. ტერიტორიაზე იმყოფებიან ექსპერტები და პოლიციის რამდენიმე ეკიპაჟი.

როგორ მოხვდა უპილოტო საფრენი აპარატები კახეთის ორ სოფელში, კომენტარი შესაბამის უწყებებს ჯერ არ გაუკეთებიათ.

უპილოტო საფრენი აპარატები გუშინ საღამოს საგარეჯოს მუნიციპალიტეტის სოფელ უდაბნოსა და ყვარლის მუნიციპალიტეტის სოფელ კუჭატანთან ახლოს ჩამოვარდა.