მარნეულში, რუსთაველის ქუჩაზე მდებარე ერთერთ გაჩერებაზე, "ქართული ოცნების" საარჩევნო ბანერი დააზიანეს. "ქართული ოცნების" მარნეული გარდაბნის მაჟორიტარი დეპუტატობის კანდიდატი მომხდარს ოპოზიციურ პარტიებს უკავშირებს.

ზაურ დარგლის განცხადებით, საარჩევნო პლაკატების დაზიანების ფაქტები ხშირია.

"ოპოზიციური ძალების მხრიდან პროვოკაციების გარდა, ვანდალურ ფაქტებს აქვს ადგილი. გუშინ ღამე დააზიანეს ჩვენი ბანერი, კერძო საკუთრება. პირდაპირ დავალება აქვთ მიცემული აქტივისტებს, რომ ყველგან, სოფლებში, ქალაქში მაქსიმალურად დააზიანონ ჩვენი პლაკატები," - განაცხადა პარლამენტის მარნეული-გარდაბნის მაჟორიტარი დეპუტატობის კანდიდატი "ქართული ოცნებიდან" ზაურ დარგალმა.