ქართველები ძალიან ჰუმანურები, ტოლერანტულები არიან, მაგრამ შეგრძნება ისეთია, რომ სააკაშვილმა უნდა გადაიხადოს ზოგიერთი დანაშაულისთვის, რომელიც მისი რეჟიმის დროს მოხდა - სალომე ზურაბიშვილი

ქართველები ძალიან ჰუმანურები, ტოლერანტულები არიან, მაგრამ შეგრძნება ისეთია, რომ სააკაშვილმა უნდა გადაიხადოს ზოგიერთი დანაშაულისთვის, რომელიც მისი რეჟიმის დროს მოხდა, - ამის შესახებ საქართველოს პრეზიდენტმა სალომე ზურაბიშვილმა „უკრაინსკა პრავდასთან“ ინტერვიუში განაცხადა.

ჟურნალისტმა სალომე ზურაბიშვილს ჰკითხა: თქვენ იცით, რომ სააკაშვილი ასევე არის უკრაინის მოქალაქე. ვოლოდიმირ ზელენსკიმ არაერთხელ მოგმართათ თქვენ, ასევე საქართველოს ხელისუფლებას სააკაშვილის უკრაინაში დაბრუნებისა და სამედიცინო დახმარების გაწევა სთხოვა. რატომ ამბობთ უარს მის შეწყალებაზე? განიცდით რაიმე გარე ზეწოლას ამ საკითხზე?

„ქართველმა ხალხმა გამოიარა მიხეილ სააკაშვილის ცხრაწლიანი რეჟიმი, რომელმაც ბევრი მსხვერპლი დატოვა. ეს არის საკითხი, რომელიც ყოფს და მომავაშლიც გაყოფს საქართველოს მოსახლეობას. ასეც არ არის, რომ ქართველი ხალხი მიიჩნევდეს, რომ სააკაშვილი არ არის დამნაშავე. ისინი შესაძლოა არ დაგეთანხმონ, რომ მას შესაძლოა არ ექცეოდნენ, ისე, როგორც პრეზიდენტს შეეფერება. ქართველები ძალიან ჰუმანურები, ძალიან ტოლერანტულები არიან. მაგრამ შეგრძნება ისეთია, რომ სააკაშვილმა უნდა გადაიხადოს ზოგიერთი დანაშაულისთვის, რომელიც მისი რეჟიმის დროს მოხდა - შესაძლოა არა მისი ხელით, თუმცა მისი ხელმძღვანელობით. ასეთია საერთო შეგრძნება.

თუმცა ამასთან არსებობს ის შეგრძნებაც, რომ მას უნდა მოექცნენ ღირსეულად და საჭიროა რაიმე გზის მონახვა. აღვნიშნავ, რომ ექსტრადირების მოთხოვნა არ ყოფილა. ეს ყველაფერი მთვარობის პასუხისგებლობაა.

შეწყალება - ეს მორალური საკითხია, რომელზეც პასუხისგებელი ვარ ხალხის წინაშე. მაგრამ მე ვმუშაობ დიპლომატიურ საზოგადოებასთან, ჩემი კავშირებით ევროპაში და ვცდილობ ვიმუშაო ხელისუფლებასთან, რათა მოინახოს გადაწყვეტილება, რომელიც უფრო მეტად უპასუხებს იმას, თუ როგორ უნდა მოექცნენ ყოფილ პრეზიდენტს.

სამწუხაროდ, ჯერჯერობით, ხელისუფლების მხრიდან რეაგირება არ ყოფილა. მათ შეუძლიათ სხვადასხვაგვარი რეაგირება ჰქონდეთ ექსტრადირების საკითხზე. მაგრამ მათ უნდა ჰქონდეთ რეაგირება, ისინი პასუხისმგებლები არიან ამ გადაწყვეტილებაზე“, - განაცხადა ზურაბიშვილმა.

ჟურნალისტმა შეკითხვა დაუსვა, ხომ არ დააზიანებს ეს უკრაინისა და საქართველო მეგობრობას?.

„ვიმედვნებ, რომ არა და ვფიქრობ, რომ არა. მიმაჩნია, რომ ჩვენი ურთიერთობები ამაზე მაღლა დგას.

ეს ძალიან სერიოზული საკითხია, რადგან ეს ეხება ყოფილ პრეზიდენტს, მაგრამ პირველი მსაჯული ამ საკითხში არის ქართველი ხალხი, რომელმაც ის წლები გადაიტანა.

ქვეყნის ფარგლებს გარეთ ყოველთვის რთულია განსჯა, როგორ იმოქმედა ან არ იმოქმედა კონკრეტულმა რეჟიმმა მოსახლეობაზე. ამიტომ, ესეც გასათვალისწინებელია. დარწმუნებული ვარ, რომ ჩვენ შევძლებთ ამ სიტუაციიდან გამოსავლის მოძებნას“, - აღნიშნა სალომე ზურაბიშვილმა.  

ჟურნალისტმა საქართველოს პრეზიდენტს ჰკითხა მიუმართავს თუ არა  ვოლოდიმირ ზელენსკის პირადად მისთვის საკაშვილის შეწყალების თხოვნით?

„ბევრ ადამიანს მოუმართავს პირადად ჩემთვის, მაგრამ მე მათ ვუხსნიდი, რომ შეწყალება არ არის გამოსავალი სწორედ ქართველი ხალხის გამო. თუმცა არსებობს სხვა გზებიც, და თუ საუბარია ზეწოლაზე, მაშინ ზეწოლა უნდა გამოიყენონ იქ, სადაც პასუხისმგებლობაა და სადაც ხელისუფლებაა, რათა რაიმე შეიცვალოს.

მაგალითად, მე უკვე ვისაუბრე ელექტრონულ სამაჯურზე. ეს ყველაფერი ხელისუფლების პასუხისმგებლობაა, რომელმაც უნდა მონახოს გზა, რომელიც იმის შესაფერისი იქნებოდა, რაც ხდება გარე სამყაროში.  

ეს სიახლე არ არის. ბევრი ქვეყნის პრეზიდენტი გასამართლებული იყო და ჩვენ ზოგჯერ ვისმენთ, რომ ეს ხდება სხვა ქვეყნებშიც. მაგრამ ასევე არსებობს მიღებული მიდგომები მოცემული სირთულეების გადასაწყვეტად  და ჩვენ ვალდებულები ვართ შევესაბამებოდეთ ამ მიდგომებს“, - განაცხადა ზურაბიშვილმა.

ჟურნალისტმა სალომე ზურაბიშვილს ასევე ჰკითხა „მთავარი არხის“ დამფუძნებლის ნიკა გვარამიას შეწყალებასთან დაკავშირებითაც.  

„ეს სრულიად განსხვავებული სიტუაციაა. ერთადერთი მსგავსება ისაა და ამაზე ვისაუბრე ევროპარლამენტში, რომ პრეზიდენტს არ შეუძლია შეიწყალოს ზეწოლის ქვეშ, რადგან მაშინ შეიძლება მასზე ზეწოლა მოხდეს შიგნიდანაც.

დღეის მდგომარეობით, 3000 პატიმარი გვყავს. მათი ოჯახის წევრს, მეგობარს ან გავლენის მქონე ჯგუფს შეუძლია დაიწყოს ზეწოლა.

ეს გადაწყვეტილება მე მაკისრია. მე ვგრძნობ პასუხისგებლობას და ვიმოქმედებ ამის შესაბამისად. მე ვიღებ სრულ პასუხისმგებლობას და ვიმოქმედებ, როცა გადავწყვეტ, გავაკეთო თუ არა ეს.

მაგრამ რაც ნაკლებია გარე ზეწოლა, მით უკეთესია შეწყალებისთვის. ზეწოლა ხელისუფლებაზე, პასუხის მოთხოვნა - ეს სხვა საქმეა. მაგრამ დისკრეციული შეწყალების უფლებამოსილებები - ნებისმიერი ქვეყნისთვის, მცირე თუ დიდი, განურჩევლად კამპანიის მასშტაბისა - არ შეიძლება დაექვემდებაროს ზეწოლას.

მე თვითონ გავხდი ამ ჟურნალისტის ძალიან არაგონივრული სიტყვების სამიზნე, რომელიც მხოლოდ ჟურნალისტი არ იყო: ის იყო სხვადასხვა დროს პროკურორიც და არა ისეთი პროკურორი, რომელიც ახორციელებდა რეალურ სამართალს.

თუმცა, ადამიანები პასუხისმგებელნი არიან მხოლოდ იმაზე, რისთვისაც გაასამართლეს. მე მჯერა, რომ გამოხატვის თავისუფლება ალბათ ერთადერთი უფლებაა, რომელიც ჩვენ ყველამ უნდა დავიცვათ“, - აღნიშნა სალომე ზურაბიშვილმა.