როდესაც საუბარია ორიენტაციაზე, ეს არის პოლიტიკური და იდეოლოგიური ორიენტაცია, რაც ამ ახალგაზრდებს მძიმედ აქვთ არეული - ირაკლი კობახიძე

მე რა თქმა უნდა, არავის პირად ცხოვრებას არ ვეხები, ეს არც ვინმეს განსჯა, არც ვინმეს განკითხვა ჩემი უფლება არაა, ყველას აქვს თავისი პირადი ცხოვრება, - ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა.

მას შეკითხვა დაუსვეს არის თუ არა ჰომოფობია და ძალადობის წახალისება ახალგაზრდებისთვის "ორიენტაციაარეულების" წოდება.

„როდესაც საუბარია ორიენტაციაზე, აქ ჩემთვის საინტერესოა პირველ რიგში, ორი კატეგორიის ორიენტაცია, ეს არის პოლიტიკური ორიენტაცია რაც ამ ახალგაზრდებს აქვთ მძიმედ არეული და ეს არის იდეოლოგიური ორიენტაცია, რაც ასევე ამ ახალგაზრდებს მძიმედ აქვთ არეული. შესაბამისად, მე ამაზე ყურადღების გამახვილება მიმაჩნია ჩემს პასუხისმგებლობად.

არავითარ შემთხვევაში [არ ახალისებს ეს განცხადებები ძალადობას] არ შეიძლება ადამიანების პრობლემების გამოყენება პოლიტიკური ძალადობისთვის და პოლიტიკური აქტივობებისთვის. არ შეიძლება როცა ახალგაზრდას აქვს თავისი ამბები და ამის გამო ცდილობ, რომ ჩართო ძალადობრივ პოლიტიკურ ქმედებებში“, - განაცხადა კობახიძემ.