ინდოეთში საქართველოს საგანგებო და სრულუფლებიან ელჩს ლევან ნიჟარაძეს დღეს დაკრძალავენ

9 იანვარს გაიმართება ინდოეთში საქართველოს საგანგებო და სრულუფლებიანი ელჩის ლევან ნიჟარაძის დაკრძალვის ცერემონია. სამოქალაქო პანაშვიდი ქაშვეთის წმინდა გიორგის სახელობის ტაძარში ჩატარდება.

საქართველოს საგარეო საქმეთა სამინიტრო ღრმა მწუხარებას გამოთქვამს ინდოეთში საქართველოს საგანგებო და სრულუფლებიანი ელჩის ბ-ნ ლევან ნიჟარაძის გარდაცვალების გამო. ეს დიდი დანაკლისია ჩვენთვის - მისი კოლეგებისა და მეგობრებისთვის. ბ-ნ ლევანი, როგორც მაღალპროფესიონალი დიპლომატი ორ ათწლეულზე მეტია  ემსახურება სამშობლოს. 2014 წლიდან იგი გახლდათ საქართველოს საგანგებო და სრულუფლებიანი ელჩი ინდოეთის რესპუბლიკაში, აკრედიტებული ტაილანდის სამეფოში, შრი-ლანკას დემოკრატიულ სოციალისტურ რესპუბლიკაში, ნეპალის ფედერაციულ დემოკრატიულ რესპუბლიკასა და ბანგლადეშის სახალხო რესპუბლიკაში.

საგარეო საქმეთა სამინისტრო თანაგრძნობას უცხადებს ბ-ნ ლევანის ოჯახის წევრებსა და ახლობლებს. 

ლევან ნიჟარაძე მძიმე ავადმყოფობის შედეგად 2016 წლის 2 იანვარს ქ. ნიუ დელის ჰოსპიტალში გარდაიცვალა.