სამთო-სათხილამურო კურორტ გოდერძზე ტურისტების მოსახვედრად სპეციალური ტრანსპორტი დაინიშნა

სამთო-სათხილამურო კურორტ გოდერძზე მოხვედრა უკვე მარტივად შეიძლება. აჭარის ტურისტული პროდუქტების განვითარების სააგენტოს ხელმძღვანელის თინათინ ზოიძის ინფორმაციით, კურორტზე მოხვედრა ტურისტასთვის საკმაოდ იოლად შეიძლება, ამისათვის კი უკვე დაინიშნა სპეციალური სატრანსპორტო საშუალებები, რომელიც გოდერძიზე ტურისტების აყავანას უზრუნველყოფს.

„აჭარის ტურიზმის დეპარტამენტისა და ტურისტული პროდუქტების განვითარების სააგენტოს მიერ დაინიშნა პირდაპირი ტრანსპორტი გოდერძამდე, რომელიც სრულდება ყოველ დღე. უფრო კონკრეტულად, ბათუმიდან ყოველ ერთ საათში ხულოს მიმართულებით გამოდის მიკროავტობუსი, რომლითაც მგზავრობის ღირებულება 5 ლარს შეადგენს. ხოლო ხულოს ცენტრიდან კი გოდერძის მიმართულებით გამოდის ე.წ. „დელიკა“, რომლის მომსახურებაც კაცზე 7 ლარია“, აცხადებს თინათინ ზოიძე.

აღსანიშნავია, რომ სამთო-სათხილამურო კურორტი „გოდერძი“ ზღვის დონიდან 2000 მეტრზე, ბათუმიდან 109 კმ დაშორებით, აჭარის მაღალმთიანეთში გოდერძის უღელტეხილზე მდებარეობს. კურორტი შთამბეჭდავი ბუნებით, სუფთა ჰაერით, ულამაზესი პეიზაჟებითა და კარგად აღჭურვილი სათხილამურო ტრასებითაა გამორჩეული. დღემდე კურორტმა 100-მდე ქართველ და უცხოელ ტურისტს უმასპინძლა.

კურორტი გოდერძი მიმდინარე წლის 5 დეკემბერს, ეკონომიკისა და მდგრადი განვითარების სამინისტროს შპს "მთის კურორტების განვითარების კომპანიამ" ოფიციალურად გახსნა. კურორტი რეგიონში ყველაზე გრძელი სათხილამურო ტრასა აქვს. საბაგირო გზის ყველაზე მაღალი ადგილი კი იქ ზღვის დონიდან 2350 მეტრზე მდებარეობს. ამ ეტაპზე კურორტი გოდერძი მომხარებელს ორ საბაგირო ხაზს სთავაზობს, რომელთა ტრასების საერთო სიგრძეც 8 კილომეტრია. კურორტზე დამსვენებლებს რვაადგილიანი საბაგირო და ექვსადგილიანი ბაბლი ემსახურება.

ასევე, აჭარის ტურიზმისა და კურორტების დეპარტამენტის ორგანიზებით „ტურისტული პროდუქტების მართვის სააგენტომ“ შეიმუშავა კურორტ გოდერძის ტურისტული პაკატები, რომელთა შეძენაც მსურველებს საინფორმაციო ცენტრებში შეუძლიათ. პაკეტების ღირებულება განთავსების ობიექტების მიხედვით განსხვავებულია.

პაკეტების ფასები კოტეჯების შემთხევაში ასეთია: 3 დღიანი სრული პაკეტის ფასი, (2 ადგილიანი ნომრის შემთხვევაში) 1 დღე 1 ადამიანზე შეადგენს 155 ლარს, რომელიც მოიცავს: ღამისთევა კოტეჯებში, თხილამურები მთელი დღით, საბაგირო მთელი დღეთ, სამჯერადი კვება, ტრანსპორტირება ბათუმიდან გოდერძამდე და უკან. (ფასი მოცემულია დღგ-ს ჩათვლით).

4 ადგილიანი ნომრის შემთხვევაში, 1 დღე კოტეჯში 1 ადამიანზე შეადგენს 145 ლარს და აღნიშნული ტარიფი მოიცავს: ღამისთევა კოტეჯებში, თხილამურები მთელი დღით, საბაგირო მთელი დღეთ, სამჯერადი კვება, ტრანსპორტირება ბათუმიდან გოდერძამდე და უკან. (ფასი მოცემულია დღგ-ს ჩათვლით).

ასევე არსებობს პაკეტები 3 დღიანი მხოლოდ ღამისთევის, რომელიც სამჯერად კვებასაც მოიცავს.

უფრო კონკრეტულად, კოტეჯებში 2 ადგილიანი ნომრის შემთხვევაში1 დღე / 1 ადამინი ღირს 90 ლარი, ხოლო 4 ადგილიანი ნომრის შემთხვევაში- 80 ლარი.

რაც შეეხება, პაკეტების ფასები საოჯახო სასტუმრო სახლების შემთხვევაში ასეთია:

2 ადგილიანი ნომრის შემთხვევაში, 1 დღე / 1 ადამინი ტარიფის ღირებულება 110 ლარს შეადგენს და პაკეტი მოიცავს: ღამისთევა საოჯახო სახლებში, თხილამურები მთელი დღით, საბაგირო მთელი დღეთ, სამჯერადი კვება, ტრანსპორტირება ბათუმიდან გოდერძმდე და უკან, ასევე ტრანსპორტირება სოფ. დანისპარაულიდან სათხილამურო ბაზამდე და უკან.

4 ადგილიანი ნომრის შემთხვევაში კი 1 დღე / 1 ადამინის ტარიფი 40 ლარია. პაკეტი მოიცავს ღამისთევას და კვებას.

ამ ეტაპზე, კურორტზე 6 სასტუმროს ტიპის კოტეჯია განთავსებულია, თითო 12 ადამიანზეა გათვლილი. კურორტზე ასევე ფუნქციონირებს საცხოვრებელი სახლის ტიპის კოტეჯი, რომელშიც 36 ადამიანის განთავსებაა შესაძლებელი. კურორტიდან 4 კმ დაშორებით კი მდებარეობს სასტუმრო „მეტეო“, სადაც ასევე შესაძლებელია ტურისტების განთავსება.

კურორტზე მოხვედრა შესაძლებელია როგორც ბათუმიდან ასევე ქობულეთიდან. ბათუმის ცენტრიდან ხულოს მიმართულებით ყოველდღიურად გადის ტრანსპორტი. ხულოს ცენტრში კი აჭარის ტურიზმისა და კურორტების დეპარტამენტმა დანიშნა სპეციალური მარშრუტი გოდერძის მიმართულებით. შესაძლებელია კერძო, (ორ ხიდიანი გამავლობის) ტრანსპორტის დაქირავებაც, როგორც ხულოს ცენტრიდან, ასევე ბათუმიდან და ქობულეთიდან.