მამამ შვილს იარაღი მისცა და უთხრა, ესროლა მისთვის, ვინც არ მოსწონდა - რა მოხდა 213-ე საბავშვო ბაღში?

მამამ 5 წლის ბავშვს იარაღი მისცა და მოუწოდა ესროლა მისთვის, ვინც არ მოსწონს, - ამის შესახებ, გავრცელებული ინფორმაციით, თბილისის 213-ე საბავშვო ბაღის დირექტორი აცხადებს.

ამ დროისათვის დირექტორი პოლიციის განყოფილებაში იმყოფება, სამართალდამცავები კი სიტუაციას ბაღში სწავლობენ.

დირექტორის თქმით, შემთხვევა გუშინ მოხდა, რა დროსაც ერთ-ერთი ბავშვის მამა ნასვამ მდგომარეობაში საბავშვო ბაღში იარაღით მივიდა. მან იარაღი 5 წლის შვილს მისცა და მოუწოდა, ვინც არ მოსწონდა, მისთვის ესროლა.

ბავშვს იარაღი მასწავლებელმა გამოართვა, რომელიც ამ წუთებში პოლიციის განყოფილებაშია და სამართალდამცველებს მომხდარის შესახებ უამბობს. 

ბაღის დირექტორის თქმით, ზუსტად არ იციან რა ტიპის იარაღი იყო. მისი თქმით, არც მშობლები და არც მისი შვილები მომხდარის შემდეგ ბაღში არ გამოჩენილან.

შინაგან საქმეთა სამინისტროს ცნობით, 213-ე ბაღში მომხდარ ინციდენტზე სისხლის სამართლის საქმე 2 მუხლით აღიძრა. საუბარია 151-ე მუხლზე, რაც მუქარას ითვალისწინებს, ასევე 231-ე მუხლზე, რომელიც ცეცხლსასროლი იარაღის უკანონო შეძენა-შენახვას