შსს-მ ნარკორიალიზატორი დააკავა

შსს-ს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს და საპატრულო პოლიციის დეპარტამენტის ქვემო ქართლის მთავარი სამმართველოს თანამშრომლებმა, ერთობლივად ჩატარებული ოპერატიულ-საგამოძიებო მოქმედებების შედეგად, წარსულში ნასამართლევი, 1977 წელს დაბადებული ზვიად ს. დიდი ოდენობით ნარკოტიკული საშუალების უკანონო შეძენა-შენახვის და გასაღების ბრალდებით სადახლოს სასაზღვრო გამშვებ პუნქტში დააკავეს. 
უწყების ინფორმაციით, გამოძიებამ დაადგინა, რომ ბრალდებულმა შემდგომი რეალიზაციის მიზნით, უკანონოდ შეიძინა და შეინახა 0,34638 გრ ნარკოტიკული საშუალება ჰეროინი, რომელიც შემდეგ მარნეულის რაიონის სოფელ საიმერლოში სხვადასხვა დროს უკანონოდ გაასაღა.
ნარკოლოგიური შემოწმებით დაკავებულს მეტადონის ჯგუფის ნარკოტიკის მოხმარების ფაქტი დაუდგინდა.
გამოძიება დიდი ოდენობით ნარკოტიკული საშუალების უკანონო შეძენა-შენახვის და გასაღების ფაქტზე მიმდინარეობს (საქართველოს სსკ-ს 260-ე მუხლის მე-5ნაწილის "ა" ქვეპუნქტით). გამოძიებას შსს-ს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველო აწარმოებს.