საქართველოს პრეზიდენტი საქართველოს დელეგაციასთან ერთად ვარშავაში ნატოს სამიტზე დასასწრებად უკვე მივიდა.

"აქ ვართ მეგობრებთან ერთად და ვამუშავებთ სტრატეგიას, თუ როგორ გავხადოთ მსოფლიო, შავი ზღვა და საქართველო უფრო უსაფრთხო ადგილი", - განაცხადა სამიტზე შესვლამდე საქართველოს პრეზიდენტმა.

გაიმართება NATO-ს გენერალური მდივნის და პოლონეთის რესპუბლიკის პრეზიდენტის მისალმების ოფიციალური ცერემონია, რის შემდეგაც დელეგაციის ხელმძღვანელები ერთობლივ ფოტოს გადაიღებენ.

ვარშავის სამიტის ფარგლებში, დღეს პირველად გაიმართება NATO -საქართველოს კომისიის სხდომა საგარეო საქმეთა მინისტრების დონეზე, რომელშიც მონაწილეობას საქართველოს საგარეო საქმეთა მინისტრი მიხეილ ჯანელიძე მიიღებს.

ქვეყნიგიორგი მარგველაშვილი: ვამუშავებთ სტრატეგიას, თუ როგორ გავხადოთ შავი ზღვა და საქართველო უფრო უსაფრთხო ადგილის პირველი პირი, დღეს, სამიტის ფარგლებში, ბელგიის პრემიერმინისტრს შეხვდება.  ასევე დაგეგმილია  საქართველოს საგარეო საქმეთა მინისტრის შეხვედრა ნიდერლანდების  და საფრანგეთის საგარეო საქმეთა მინისტრებთან და თავდაცვის მინისტრის შეხვედრა აშშ-ს თავდაცვის მდივნის თანაშემწესთან.

საქართველოს პრეზიდენტი დღის ბოლოს სამუშაო სადილს დაესწრება, რომელიც NATO -ს პარტნიორი ქვეყნების დელეგაციათა ხელმძღვანელების პატივსაცემად გაიმართება