7 ივნისს, 11:00 საათზე  ევროკავშირის ინტელექტუალური საკუთრების უწყების აღმასრულებელი დირექტორი ბიზნესსექტორის წარმომადგენლებს შეხვდება.

თემა: ევროკავშირის ინტელექტუალური საკუთრების უწყების მონაცემთა ბაზებში საქართველოში რეგისტრირებული ნიშნების ინტეგრირება;  საქართველოსა  და ევროკავშირის ინტელექტუალური საკუთრების უწყების თანამშრომლობის საკითხები

შეგახსენებთ, რომ საქართველოს პრემიერ-მინისტრის გიორგი კვირიკაშვილის მოწვევით საქართველოში პირველად იმყოფება ევროკავშირის ინტელექტუალური საკუთრების უწყების (EUIPO) აღმასრულებელი დირექტორი, ანტონიო კამპინოსი. EUIPO - არის უწყება, რომელიც ახორციელებს ევროკავშირის ტერიტორიაზე სასაქონლო ნიშნებისა და დიზაინების რეგისტრაციას ერთი განაცხადის საშუალებით. ამ წუთებში, ანტონიო კამპინოსი ხვდება საქართველოს ინტელექტუალური საკუთრების ეროვნული ცენტრის ხელმძღვანელობას. საქპატენტის ოფისში მიმდინარე ორმხრივ შეხვედრაზე განიხილება EUIPO-სა და საქპატენტის თანამშრომლობა, რომლის შედეგად ხვალიდან EUIPO-ს სასაქონლო ნიშნების და დიზაინის ბაზებში ქართული მონაცემთა ბაზების ინტეგრაცია მოხდება. აღნიშნული საშუალებას მისცემს უცხოელ მომხმარებლებს ინფორმაცია მიიღონ საქართველოში რეგისტრირებული ნიშნების შესახებ, ხოლო ქართველი მომხმარებლები შეძლებენ EUIPO-ს ბაზებში ძიებას ქართული ინტერფეისის გამოყენებით.