„თავისუფალი დემოკრტების“ ლიდერის ირაკლი ალასანიას შეფასებით, ,,ქართული ოცნების“ შიდა კვლევები ბიძინა ივანიშვილის ინტერესებზეა მორგებული. მისივე თქმით, ზოგადად „ქართული ოცნება“ პარალელურ სამყაროში ცხოვრობს.

,,ბიგვავა ყველაფერს ბიძინა ივანიშვილის ინტერესებს არგებს. ივანიშვილი და ზოგადად „ქართული ოცნება“ ცხოვრობს პარალელურ სამყაროში, აქვთ რეალობის აბსოლუტურად განსხვავებული შეგრძნება, ვიდრე მთელ საზოგადოებას, ამიტომ გაუმარჯოს მათ იმ პარალელურ სამყაროში, სადაც არიან. ეგონოთ, რომ ისინი არიან ბატონ-პატრონები ყველაფრის. ხალხი კი სხვანაირად ფიქრობს. ხალხი ფიქრობს, რომ ეკონომიკურად ვერ განვითარდნენ, დაიკარგა ბევრი სამუშაო ადგილი, ამიტომ ამ კვლევას სერიოზულად არ ვიღებ“, - განაცხადა ალასანიამ.

მისივე თქმით, „თავისუფალ დემოკრატებსაც“ აქვთ შიდა მონაცემები, თუმცა ალასანიას არ დაუკონკრეტებია როგორ გამოიყურება ეს მონაცემები. 

„ჩვენ გვაქვს შიდა მონაცემებიც. ჩვენ ხალხთან შეხვედრისას ვხვდებით საზოგადოების სატკივარს და ვიცით ადამიანებს რა სტკივათ. ჩვენ არ ვართ ისეთი მილიარდერების პარტია, როგორც „ნაციონალური მოძრაობა“ და „ქართული ოცნებაა“, რომლებსაც შეუძლიათ დაიქირავონ უცხოელი წარმომადგენლები, თუმცა ეს ბიგვავას არ ეხება. ჩვენი მთავარი საზრუნავი არის ხალხის დამოკიდებულება“, -განცხადა ალასანიამ. 
შეგახსენებთ, სოციოლოგმა ზურაბ ბიგვავამ, განაცხადა, რომ პარტია „ქართული ოცნების“ მიერ ჩატარებული შიდა კვლევებით, „ნაციონალური მოძრაობის“ რეიტინგი 13%-მდეა, „ქართული ოცნების“ კი 35%-ს შეადგენს.