24 ივნისს საქართველოს საგარეო საქმეთა მინისტრის მოადგილემ გიგი გიგიაძემ შეხვედრა გამართა საქართველოში მოქმედი გერმანული ფონდების წარმომადგენლებთან.  შეხვედრას ესწრებოდნენ ფრიდრიხ ებერტის ფონდის  სამხრეთ კავკასიის რეგიონის კოორდინატორი იულია ბლეზიუსი, ფონდის წარმომადგენლობის დირექტორი საქართველოში ია თიკანაძე, ჰაინრიჰ ბიოლის ფონდის დირექტორი ნინო ლეჟავა და  ფრიდრიხ ნაუმანის ფონდის  მუდმივი წარმომადგენელი სამხრეთ კავკასიაში პეტერ-ანდრეას ბოხმანი.

 განხილულ იქნა საქართველო-გერმანიის ურთიერთობათა აქტუალური საკითხები  და გერმანულ ფონდებთან თანამშრომლობის გაღრმავების შემდგომი პერსპექტივები. მხარეებმა ასევე იმსჯელეს იმ ერთობლივ პროექტებზე, რომელთა განხორციელებაც იგეგმება უახლოეს მომავალში. გამოითქვა მზადყოფნა მჭიდრო თანამშრომლობისთვის.