უკრაინულმა ავიაკომპანია „Bravo Airways”-მ კიევი - ბათუმი - კიევის მიმართულებით ავიარეუისების  განხორციელება დაიწყო. როგორც თბილისისა და ბათუმის მმართველ კომპანია „ტავ ჯორჯიაში“ აცხადებენ, ფრენები კიევის, „ჟულიანის“ აეროპორტის მიმართულებით 19 ივნისიდან სექტემბრის ბოლომდე, ყოველ კვირა დღეს, Boeing 735 ტიპის ხომალდით შესრულდება.

 უკრაინული ავიაკომპანია Bravo Airways 2012 წელს დაარსდა. 2015 წლიდან კომპანია აქტიურად ახორციელებს ჩარტერულ რეისებს ევროპის სხვადასხვა ქვეყნებში.

შეგახსენებთ, რომ “ტავ ჯორჯია” “TAV Airports Holding”-ის შვილობილი კომპანიაა და მისი მოღვაწეობა საქართველოში 2005 წელს დაიწყო და მოქმედი კონტრაქტით 2027 წლამდე გაგრძელდება. საქართველოში განხორციელებული 100 მილიონზე მეტი აშშ დოლარის ინვესტიციის შედეგად, 2007 წელს ექსპლოატაციაში შევიდა თბილისისა და ბათუმის საერთაშორისო აეროპორტების ახალი სამგზავრო ტერმინალები.  “TAV Airports Holding“ მიერ მსოფლიოს სხვადასხვა ქვეყანაში განხორციელებული მრავალმილიონიანი ინვესტიციის, აეროპორტების ოპერირებაში მრავალწლიანი გამოცდილებისა და გონივრული მენეჯმენტის წყალობით „ტავ ჯორჯია“ ერთ-ერთ ყველაზე სანდო, სტაბილურ და დინამიურ კომპანიად ჩამოყალიბდა საქართველოში.

დღესდღეისობით „TAV Airports Holding” და მისი პარტნიორი კომპანია „Aeroports de Paris Group” მსოფლიო მასშტაბით ოპერირებას უწევენ 37 აეროპორტს და ემსახურებიან 200 მილიონზე მეტ მგზავრს, მათ შორის(სტამბოლის ათათურქის აეროპორტი, პარიზის შარლ დე გოლის აეროპორტი, ზაგრების, სკოპიეს,  რიგის, მედინას აეროპორტები და სხვა).  ამასთანავე აღსანიშნავია, რომ  ორივე კომპანიის აქციები თავისუფალ საჯარო გაყიდვაშია პარიზისა და სტამბოლის საფონდო ბირჟებზე.