პრემიერის ვიზიტს გერმანიაში და კანცლერ მერკელთან გამართულ შეხვედრას დადებითად აფასებენ საგარეო და შინაგან საქმეთა მინისტრები.

მიხეილ ჯანელიძის შეფასებით, დადასტურდა გერმანიის მხარდაჭერა ვიზალიბერალიზაციის პროცესისადმი.

გიორგი მღებრიშვილის თქმით კი, ვიზალიბერალიზაციის სამოქმედო გეგმა შესრულებულია და არ არსებობს უარის თქმის საფუძველი.

შინაგან საქმეთა მინისტრმა ასევე განაცხადა, რომ კრიმინალი არ არის ვიზალიბერალიზაცის პროცესის გაჭიანურების მიზეზი.

„ვიზალიბერალიზაციის სამოქმედო გეგმა შესრულდა 100 პროცენტით. საფუძველი არ არსებობს უარის თქმის. ასევე, კრიმინალმა არ შეიძლება იქონიოს გავლენა ევროპაში თავისუფალ მიმოსვლაზე,“ - განაცხადა გიორგი მღებრიშვილმა.