2015 წლის 13 ივნისის ტრაგედიის შედეგად, დაზიანებული თბილისის მუნიციპალიტეტის ტანვარჯიშის განვითარების სპორტული ცენტრის სრული რეაბილიტაცია განხორციელდა. ცენტრის აღსადგენად    ვითიბი ბანკმა 1,400 000 ლარი გამოყო. აღნიშნული თანხით დაფინანსდა შენობის სარემონტო სამუშაოები და თანამედროვე საერთაშორისო სტანდარტების სპორტული ინვენტარის შეძენა. ვითიბი ბანკი 2014 წლიდან არის საქართველოს ტანვარჯიშის ფედერაციის გენერალური სპონსორი. განახლებულ ტანვარჯიშის განვითარების სპორტული ცენტრს „ვითიბი არენა“ ეწოდა.

 სპორტული ცენტრში განთავსებულია  მხატვრული და სპორტული ტანვარჯიშის დარბაზები. ცენტრი ყოველდღიურად ათასამდე ბენეფიციარს ემსახურება, აქედან უფასო მომსახურებით 57 სოციალურად დაუცველი მოზარდი სარგებლობს.

 “თბილისში ერთი წლის წინ დატრიალებულმა ტრაგედიამ პრაქტიკულად მთლიანად  გაანადგურა   ტანვარჯიშის ფერდერაციის შენობა. ვითიბი ბანკი 2014 წლიდან არის ფედერაციის გენერალური სპონსორი, ამიტომაც  გადვაწყვიტეთ  გამოგვეხატა ჩვენი თანადგომა და სრულად დავაფინანსეთ აღდგენითი სამუშაოები და ახალი საერთაშორისო სტანდარტების სპორტული ინვენტარის შეძენა. აღნიშნულ პროექტზე ვითბი ბანკის მიერ ერთი მილიონ ოთხასი ათასი ლარი გამოიყო. მოხარულები ვართ, რომ  ერთი წლის თავზე განახლებულ  სპორტულ ცენტრში ათასამდე სპორტსმენს და მოზარდს ვარჯიშის შესაძლებლობა მიეცათ“, განაცხადა ვითიბი ბანკის გენერალურმა დირექტორმა არჩილ კონცელიძემ.