7 აგვისტოს, რუსეთ-საქართველოს ომის 14 წლის თავზე პირველი სკოლის წინ, 21:00-ზე გამართება აქცია - "იმოქმედე გენოციდის აღიარებისთვის".

აქციის ორგანიზატორები არიან ევროპული საქართველო, თავისუფლების ინსტიტუტი, ტაბულა, ამომრჩეველთა განათლების საზოგადოება და აფხაზთა კრება.

რუსთაველზე, აქციაზე ნაჩვენები იქნება ფილმი, რომელიც ასახავს რუსეთის მიერ აფხაზეთში კაცობრიობის წინაშე ჩადენილ დანაშაულებებს.

ორგანიზატორთა თქმით, საქართველოს თავისუფლებისთვის ბრძოლა ნახევარი სიმართლით არ გამოვა. წარსულ, აწმყო და მომავალ თაობათა წინაშე ვალად გვადევს, ვთქვათ სრული სიმართლე რუსეთის შესახებ, რუსეთმა აფხაზეთში ქართველების გენოციდი მოაწყო.

გიგა ბოკერიას განცხადებით, ჩვენი ქვეყნის დამოუკიდებლობისა და თავისუფლების მტერი, ჩვენი გარე მტერი, პუტინის რუსეთი მხოლოდ იარაღით არ გვიპირისპირდება. იარაღი და ძალადობა მათი მთავარი ინსტრუმენტია, თუმცა ამავე დროს ცდილობს მორალურად გაგვტეხოს. ამას აკეთებს საკუთარი პროპაგანდითა და სამწუხაროდ ჩვენივე დღევანდელი ივანიშვილის რეჟიმის ხელით. ცდილობს, რომ საზოგადოებას აერიოს ერთმანეთში მტერი და მოყვარე, დაივიწყოს თუ ვინ არის ბოროტება, ვინ არი მტერი. ეს არის ჩვენთვის ყველაზე სახიფათო ამბავი, იარაღზე უფრო სახიფათოც კი.

„ძალიან მნიშვნელოვანია, რომ ჩვენ ყველამ საკუთარ თავს შევახსენოთ, თუ რამხელა ბოროტებასთან გვაქვს საქმე, როცა საბჭოთა, პოსტსაბჭოთა ან პუტინის რუსეთზე ვსაუბრობთ. ეს არის ქვეყანა, რომლის ამოცანაც არის ჩვენი საზოგადოებისა და ჩვენი სახელმწიფოს განადგურება. ამას უნდა დავუპირისპიროთ მყარი პოზიცია და სიცხადე.

ამიტომ არის მორალურად, პოლიტიკურად და პრაგმატულად მნიშვნელოვანი, რომ დღეს, როცა თავისუფალი სამყარო დაგვიანებით, თუმცა აფასებს ამ საფრთხეს ადეკვატურად, ვაქციოთ ქართველების გენოციდი აფხაზეთში, როგორც შიდა, ასევე გარე ასპარეზზე მნიშვნელოვან საკითხად.“ - განაცხადა გიგა ბოკერიამ