ევროპის მაუწყებელთა კავშირმა (EBU) საბოლოო გადაწყვეტილება მიიღო და განაცხადა, რომ ევროვიზია-2023 უკრაინაში არ გაიმართება. ამის შესახებ აღნიშნულია EBU-ს ოფიციალურ გვერდზე გამოქვეყნებულ განცხადებაში.

„EBU-ს სრულად ესმის საზოგადეობის იმედგაცრუების, რომელიც ორგანიზატორების გადაწყვეტილებით არის გამოწვეული კონკურსი არ გაიმართოს უკრაიანში“. - ნათქვამია ინფორმაციაში.

„EBU-თვის პირველ ადგილზე იყო და არის პირობების შესრულება, რომლითაც უზრუნველყოფილი იქნება ღონისძიების ყველა თანამშრომლისა და მონაწილის უსაფრთხოება. ღონისძიების დაგეგმვა კი ქვეყანაში, სადაც კონკურსი იმართება პირდაპირ ახლა უნდა დაიწყოს“, - ნათქვამია განცხადებაში.

კონკურსის ორგანიზატორების ინფორმაციით, ევროვიზია-2023-ის სამუშაოებისთვის აკრედიტირებულია სულ მცირე 10 ათასი ადამიანი, მათ შორის გადამღები ჯგუფები, თანამშრომლები, ჟურნალისტები და ა.შ.  მოსალოდნელია, რომ ღონისძიებაზე დაესწრება 30 ათასამდე ადამიანი მთელი მსოფლიოდან.

„მათი უსაფრთხოება - ჩვენი მთავარი საზრუნავია“, - ამბობენ EBU-ში.

ევროპის მაუწყებელთა კავშირმა 17 ივნისს განაცხადა, რომ ევროვიზია-2023-ის გამართვა უკრაინაში შეუძლებელია და სიმღერის კონკურსი ბრიტანეთში უნდა გაიმართოს. კონკურსის წარმომადგენელმა უკვე მიმართა დიდ ბრიტანეთს, რომელმაც წელს კონკურსზე მეორე ადგილი დაიკავა. 

უკრაინის კულტურის მინისტრმა ოლექსანდრ ტკაჩენკომ განაცხადა, რომ უკრაინა არ ეთანხმება EBU-ს გადაწყვეტილების შინაარს.