თურქეთის დელეგაცია მიმდინარე კვირაში რუსეთში გაემგზავრება, რათა განიხილოს უკრაინული ხორბლის ექსპორტისთვის შავ ზღვაში უსაფრთხო დერეფნების შესაძლო გახსნის დეტალები.

ამის შესახებ ინფორმაციას თურქეთის პრეზიდენტის ადმინისტრაციის წყაროები ავრცელებენ. იუწყება Reuters.

რუსული საანგეტო „ტასი“ რუსეთის პრეზიდენტის პრეს-სპიკერ დმიტრი პესოკვზე დაყრდნობით, ასევე ადასტურებს დაგეგმილ მოლაპარაკებებს.

უკრაინაში რუსეთის სასტიკმა შეჭრამ შავი ზღვის გავლით უკრაინული ხორბლის ექსპორტი შეაჩერა, რამაც გლობალური სასურსათო დეფიციტი გამოიწვია. მოსკოვი ამტკიცებს, რომ კრიზისის მიზეზი დასავლეთის სანქციები გახდა. გაერომ რუსეთსა და უკრაინას, ასევე მათ საზღვაო მეზობელ თურქეთს დერეფნების შეთანხმებისკენ მოუწოდა.  

ანკარამ მოსკოვთან და გაეროსთან მოლაპარაკებები უკვე გამართა დერეფნების შესაძლო გახსნის შესახებ, თუმცა განაცხადა, რომ საბოლოო შეთანმებისთვის საჭიროა ყველა მხარის შეხვედრა სტამბოლში, სადაც თურქული მხარის განცხადებით, განხორციელდება კონტროლი ამ გეგმის შესრულებასთან დაკავშირებით.

წყაროს განცხადებით,თურქეთის, უკრაინის, რუსეთისა და გაეროს ოთხმხრივი შეხვედრა სტამბოლში სავარაუდოდ, თურქეთის პრეზიდენტის რეჯებ თაიფ ერდოღანისა და გაეროს გენერალური მდივნის ანტონიო გუტერეშის მონაწილეობით გაიმართება.