რატომ არ მიიღო საქართველომ კანდიდატის სტატუსი, ბუნდოვანია. დაგვავიწყდა 2008 წლის 8 აგვისტო? - ირლანდიელი სენატორი
ირლანდიელი სენატორი ჯერარდ კროგუელი ეხმიანება საქართველოსთან დაკავშირებით ევროკომისიის რეკომენდაციას, რომელიც კანდიდატის სტატუსის მინიჭებას მხოლოდ პირობების დაკმაყოფილების შემთხვევაში ითვალისწინებს.
"მოხარული ვარ, რომ უკრაინამ და მოლდოვამ ევროკავშირის წევრობის კანდიდატის სტატუსი მიიღეს. თუმცა, რატომ არ მიიღო საქართველომ, ეს ბუნდოვანია. ნუთუ დაგვავიწყდა 2008 წლის 8 აგვისტო, როცა რუსული ჯარი საქართველოში შეიჭრა? ჩვენ, ევროკავშირმა, მაშინ ისინი მივატოვეთ, მაგრამ რატომ ახლა?" - წერს სენატორი "ტვიტერში".
