მამუკა ხაზარაძის თქმით, "ლელო" 16 ივნისსა და 20 ოვნისს დაგეგმილ აქციებს შეუერთდება, - ამის შესახებ "ლელოს" ლიდერი სოციალურ ქსელში წერს.

მისი თქმით, დღეს ქვეყანას ერთიანობა სჭირდება.

„დღეს, როგორც არასდროს გვჭირდება ერთიანობა, როგორც არასდროს გვჭირდება სახელმწიფოებრივი ნაბიჯების გადადგმა. ამ დღეებში ჩვენი ქვეყნის ევროპული პერსპექტივის საკითხი წყდება, ჩვენი ვალია ვანახოთ ევროპას ქართველი ხალხის ურყევი არჩევანი, დავდგეთ ერთად ყოველგვარი პარტიული, ეთნიკური თუ რელიგიური მრწამსის მიუხედავად. „ლელო“ იქნება 16 აქციაზეც და ყველას მოუწოდებს, რომ მოვიდნენ 20 ივნისის აქციაზე, საქართველო და მისი ინტერესი უპირველეს ყოვლისა“, – წერს ხაზარაძე.