ვცდილობთ, რომ დავინახოთ საქართველო ევროპულ ოჯახში, მაგრამ სამწუხაროდ, ის, რასაც მთავრობა აკეთებს, საპირისპიროა - ამის შესახებ განაცხადა ვროპარლამენტარმა რასა იუკნევიჩიენემ სოფო ზურაბიანის "პოლიტიკის ფორმულაში".

მისი თქმით, პირველ რიგში, საქართველოს ამჟამინდელმა მთავრობამ უნდა შეწყვიტოს ანტიდემოკრატიული ქცევა და გარშემო ყველას დადანაშაულება.

"პირველ რიგში, საქართველოს ამჟამინდელმა მთავრობამ უნდა შეწყვიტოს ანტიდემოკრატიული ქცევა. ყველას ადანაშაულებს გარშემო, მათ საქართველოს საუკეთესო მეგობრებს, როგორიცაა აშშ, ევროპარლამენტის წევრები, სხვადასხვა პოლიტიკური ჯგუფები. პირველ რიგში, საკუთარ თავს უნდა შეხედონ და ეცადონ, მოისმინონ - თუ მეგობრები ამბობენ, რომ რაღაცა არ ხდება სწორად, ეს ნიშნავს, რომ უნდა მოისმინო და გააკეთო, განსხვავებული ნაბიჯები უნდა გადადგა. ვცდილობთ, რომ დავინახოთ საქართველო ევროპულ ოჯახში, მაგრამ სამწუხაროდ, ის, რასაც მთავრობა აკეთებს, საპირისპიროა. ეს არის სიძულვილის ენა, უგულებელყოფა კანონის უზენაესობის, ყოფილი პრეზიდენტის ციხეში ჩასმა, მკურნალობის საშუალების არმიცემა, მედიის წარმომადგენლების ციხეში ჩასმა. ამის გაკეთება სანამ გადაწყვეტილებები იქნება მიღებული, რას ნიშნავს? ეს ნიშნავს, რომ ყველაფერს აკეთებენ კანდიდატის სტატუსის არმისაღებად, კანდიდატის სტატუსის წინააღმდეგ.

არ ვიცი რა მოხდება ევროპულ საბჭოში, მაგრამ ახლა რა გვაქვს მაგიდაზე, ჩვენ გაგვაჩნია პარლამენტის რეზოლუცია და ევროპული პარლამენტის ჯგუფის ლიდერების განცხადება. ძალიან დიპლომატიური ენაა გამოყენებული, მაგრამ ერთადერთი დაასკვნა აქედან გახლავთ, რომ საქართველო ჩამორჩება. საქართველო რამდენიმე წლის წინ იყო ლიდერი დემოკრატიაში, კანონის უზენაესობაში, ყველაფერში, რასაც ევროპული ცხოვრების გზას ვეძახით, დღეს ტრიოს შორის საქართველო უკანაა ჩამორჩენილი", - თქვა იუკნევიჩიენემ.

[ფორმულას სინქრონული თარგმანი]