რატომ გაქვთ ეგეთი აგრესია ჯვართან? - ასეთი შეკითხვა დაუსვა თბილისის მერმა კახა კალაძემ ჟურნალისტებს.

კალაძის თქმით, არ ახსოვს მისთვის დაესვათ შეკითხვა - რატომ არ იღებდნენ რუსთაველის გამზირიდან, მისი თქმით, "ზუნზლიან და აყროლებულ" კარვებს.

"რატომ გაქვთ ეგეთი აგრესია ჯვართან? რავიცი, ქრისტიანები ვართ, მართლმადიდებლები ვართ. რატომ გაქვთ ასეთი აგრესია? მე არ მახსოვს თქვენი მხრიდან მოსულიყავით და დაგესვათ ჩემთან შეკითხვა, როდესაც ის ზუნზლიანი კარვები იყო და აყროლებული ჰქონდათ რუსთაველი. არასდროს არ მოსულხართ და არ დაგისვიათ შეკითხვა, რატომ არ ვიღებთ კარვებს. რომ არ არის ერთი და იგივე [კარავი და ჯვარი] ზუსტად ამიტომ უნდა იყოს ეგ ჯვარი იქ," - თქვა  კახა კალაძემ.