გირჩი - მეტი თავისუფლების ლიდერი, ზურაბ ჯაფარიძე სასაოფლაოზე შესვლას შეეცადა, თუმცა ამის შესაძლებლობა არ მიეცა.

ჯაფარიძე ამის შესახებ სოციალურ ქსელში წერს. როგორც ის ამბობს, ყველგან პოლიციელთა კედლებია აღმართული.

"პირველ ბარიერში გავძვერი სკუტერით, მაგრამ მეორე ბარიერი დაუძლეველი აღმოჩნდა

ეს ხდება საბურთალოს სასაფლაოზე.

პოლიციელების ცოცხალი კედლებია ყველგან.

ამჯერად ბებია-ბაბუის საფლავზე არ მიმიშვეს, არ მომცეს კანონის დარღვევის შესაძლებლობა, რომ ჯარიმა არ დაეწერათ

ოდესმე მაინც მოვუყვები შვილიშვილებს რომ ასეთ საგიჟეთშიც მომიწია ცხოვრებამ, თუმცა ჯარიმის ქვითარი მაინც კარგი იქნებოდა საჩვენებლად.

ეს ჰგონია ხალხს ნორმალური.

და მაინც მე ვარ ამ ქვეყანაში ტრადიციების, ადათების და ქართველობის ნომერ პირველი მტერი". - წერს ჯაფარიძე.

უწყებათაშორისი საბჭოს გადაწყვეტილებით, კორონავირუსის გავრცელების გამო, აღდგომის სადღესასწაულო დღეებში, 2-დან 4 მაისამდე, სასაფლაოებზე გასვლა შეზღუდულია, სასაფლაოებზე მისასვლელი გზები კი ჩაკეტილი.