თამარ ბაჩალიაშვილის ოჯახის ადვოკატი, მიხეილ რამიშვილი ამბობს, რომ პროკურატურის მრავალი მცდელობის მიუხედავად, საქმეს მაინც ვერ ჩამოაშორებენ.

"მაინც ვერაფერს ვერ ნახავთ, სულ რომ შუაზე გაიხეთ, დიდიან პატარიანად, თქვე უპატრონოებო. მაინც ვერ ჩამომაშორებთ ამ საქმეს", - ამბობს რამიშვილი.

საგამოძიებო ორგანომ რამიშვილს მობილური ტელეფონი გუშინ ჩამოართვა. ტელეფონის ექსპერტიზა ჯერ დასრულებული არ არის.

პროკურატურა ბაჩალიაშვილის საქმეში მტკიცებულებების შესაძლო ფალსიფიკაციის საქმეს იძიებს და რამიშვილი ამ საკითხზე მოწმედაა დაბარებული. საქმე ეხება სატელიტის ფოტოებს. პროკურატურის განცახდებით, კადრები დამონტაჟებული და ყალბია.
პროკურორმა დავით გუმბერიძემ განაცხადა, რომ თამარ ბაჩალიაშვილის ოჯახის ადვოკატის, მიხეილ რამიშვილის კუთვნილი ტელეფონიდან ინფორმაციის გამოთხოვა თბილისის საქალაქო სასამართლოს მოსამართლის განჩინების საფუძველზე მოხდა.

მისივე განმარტებით, საუბარია დავით ფურცხვანიძესთან რამიშვილის კომუნიკაციას ამსახველი ინფორმაციაზე და ასევე, სატელიტურ ფოტოების მოპოვებასთან დაკავშირებულ ინფორმაციაზე.