ჩეჩნეთს ლიდერი რამზან კადიროვი უარყოფს გავრცელებულ ინფორმაციას, რომ ჟურნალისტ გიორგი გაბუნიას მკვლელობა შეუკვეთა. ამის შესახებ კადიროვმა "ტელეგრამზე" დაწერა.

მისი თქმით, თუ ვინმე მისი ბრძანებით მოქმედებს, ის მას აუცილებლად აღასრულებს.

"ჩვენ არ დაგვვიწყებია, თუ როგორ მოგვაყენა შეურაცხყოფა ყველას, სახელმწიფოს, ხალხს და შესაბამისად მეც. გიორგი გაბუნიას ურჩევნია მუხლებზე დადგეს და პატიება ითხოვოს. ამ ადამიანს მოვუწოდებ, სწორი დასკვნები გამოიტანოს და ჭკუას მოუხმოს. წინააღმდეგ შემთხვევაში ის ჩემი პირადი მტერი გახდება", - აცხადებს კადიროვი.

შეგახსენებთ, გუშინ გავრცელდა ინფორმაცია, რომ სახელმწიფო უსაფრთხოების სამსახურის მიერ 12 ივნისს დაკავებული რუსეთს მოქალაქე გიორგი გაბუნიას მკვლელობას გეგმავდა.

"მთავარი არხის" გენერალური დირექტორის, ნიკა გვარამიას ინფორმაციით, გიორგი გაბუნიას ლიკვიდაცია რამზან კადიროვის დავალებით იგეგმებოდა.