8 წლის გოგონასთან გარყვნილი ქმედების ჩადენაში 30 წლის მამაკაცს ბავშვის ოჯახი ადანაშაულებს. შემთხვევა ბათუმში, ერთ-ერთ საოჯახო ტიპის სასტუმროში მოხდა, სადაც ბავშვის დედაა დასაქმებული. ინფორმაციას „რუსთავი 2“ ავრცელებს.

როგორც ქალი ჰყვება მას შვილი სამსახურში ხშირად დაჰყავდა. მისი მტკიცებით, სასტუმროს მფლობელი, უცხო ქვეყნის 30 წლის მოქალაქე მის შვილთან გარყვნილ ქმედებას პერმანენტულად ჩადიოდა. 

ქალის თქმით, მსგავსი ქმედების ორ საეჭვო ფაქტს თავად შეესწრო, რის შემდეგაც მან შვილს გამოჰკითხა, რა სახის ურთიერთობა ჰქონდა ზრდასრულ მამაკაცს მასთან.

ბავშვის ნაამბობის შემდეგ კი ქალმა, ჯერ სამართალდამცველებს შემდეგ კი სოციალურ სააგენტოსა და სახალხო დამცველის აპარატს მიმართა. 

საქმეზე დაწყებულია გამოძიება. 8 წლის გოგონა გამოჰკითხა ფსიქოლოგმა და ჩაუტარდა ექსპერტიზა. გამოძიება ამ დროისთვის სწორედ ექსპერტიზის პასუხებს ელის.