პეტრო პოროშენკოს წინასაარჩევნო კამპანიაში ძალიან აქტიურად ვიქნები ჩართული, – ამის შესახებ „გაერთიანებული ოპოზიციის“ წევრმა გიორგი ვაშაძემ განაცხადა. მისი თქმით, უკრაინაში დიდი გუნდი ჰყავს, რომელთნ ერთადაც ბევრ რეფორმას ატარებს.

„ანტიკორუფციული სასამართლო და ანტიკორუფციული ბიურო ჩვენი გუნდის შექმნილია. ასევე იუსტიციის სახლის იქაური ბრენდი და კიდევ სხვა ბევრი რეფორმა. რაც შეეხება პოროშენკოს, დიახ, წინასაარჩევნო კამპანიაში ძალიან აქტიურად ვიქნები ჩართული, რადგან ჩვენი გუნდის მიერ უკრაინის განვითარების სრულიად ახალი გეგმაა შემუშავებული”, - განაცხადა ვაშაძემ.

მისი თქმით, ამის მიუხედავად, ძირითადად საქართველოში იქნება და  მიმდინარე პოლიტიკურ პროცესებს არ ჩამოშორდება.  „თუმცა აქვე გეტყვით, რომ ძირითადად საქართველოში ვიქნები, აქედან ვერ გამაგდებთ, - აღნიშნა მან. ”მე პოროშენკოსთან ვთანამშრომლობდი. თქვენ შესაძლოა, არ შეგიმჩნევიათ, მაგრამ არჩევნების პერიოდში, ყოველ კვირაში დავდიოდი კიევში“, – განაცხადა ვაშაძემ. – განაცხადა ვაშაძემ.

შეკითხვაზე, ხომ არ შეუშლის ხელს მასა და პოროშენკოს ურთიერთობას ის ფაქტი, რომ მიხეილ სააკაშვილი პოროშენკოს ოპოზიციაშია.

„ეს ცნობილი იყო წლის დასაწყისშიც და ცნობილი იყო შარშანაც. ერთ წელზე მეტია, სააკაშვილი პოროშენკოსთან ოპოზიციაშია. ამასობაში შევქმენით ანტიკორუფციული სასამართლო. პოროშენკომ ხელი სწორედ ჩვენს კანონს მოაწერა. ამაში ახალი არაფერი არ არის“, – განაცხადა გიორგი ვაშაძემ.