საქართველოს მიერ სრული ლეგიტიმაცია არ მიუღია, ეს იყო იძულებითი ლეგიტიმაცია, - ამის შესახებ ფრაქცია "საქართველოს პატრიოტების" თავმჯდომარე გიორგი ლომიამ სალომე ზურაბიშვილთან დაკავშირებით განაცხადა.

მისი თქმით, ის ფიქრობს, რომ თელავში ინაუგურაცია არეულობის თავიდან აცილების მიზნით იმართება.

"ღიად ვაცხადებ, რომ ჩვენ გავაკეთეთ არჩევანი ცუდსა და უარესს შორის. ჩემი ადგილი მანდ არ არის და არ მივალ. პარტიის პოზიციაზე ვერ გესაუბრებით. თუ "თუ პატრიოტთა ალიანსიდან" რომელიმე ლიდერი მივა, ეს მისი საქმეა. ვფიქრობ, რომ ალბათ, არეულობას აარიდეს თავი", - განაცხადა მან.

მისივე თქმით, ზურაბიშვილი არ არის მეფის შთამომავალი და გაუგებარია, რატომ უნდა გაიმართოს ინაუგურაციის ცერემონია ერეკლე მეფის სასახლეში.

"არ ვთლი, რომ ქალბატონი სალომე მეფის სასახლეში უნდა ატარებდეს ინაუგურაციას. არც მეფის შთამომავალია და არც საქართველოს მიერ სრული ლეგიტიმაცია არ მიუღია. ეს იყო იძულებითი ლეგიტიმაცია, რომელიც მისცა ად გამოიცხადა ჩვენმა მოსახლეობამ", - აღნიშნა ლომიამ.

ცნობისთვის, საქართველოს პრეზიდენტის ინაუგურაცია თელავში, 16 დეკემბერს გაიმართება.