ყველა ოპოზიციური პარტია მხარს უჭერს სამ მოთხოვნას - ვადამდელ საპარლამენტო არჩევნებს, საარჩევნო კომისიების დაკომპლექტების წესის ძირეულ ცვლილებას და პროპორციულ საარჩევნო სისტემაზე გადასვლას, - ამის შესახებ ჟურნალისტებს ოპოზიციური პარტიების შეხვედრის დასრულების შემდეგ გაერთიანებული ოპოზიციის ლიდერმა გრიგოლ ვაშაძემ განუცხადა.

მისი თქმით, ყველა მომდევნო არჩევნები დღევანდელი ე.წ. ხელისუფლების პირობებში დაემსგავსება იმ უმსგავსობას, რაც მისივე თქმით, მოხდა მეორე ტურში.

"ეს ოპოზიციის მოთხოვნა კი არ არის, არამედ მოქალაქის მოთხოვნაა, რომელსაც, მაპატიეთ, თბილისურად გეტყვით – ყელში ამოუვიდა უკვე სიღარიბეში ცხოვრება, სანამ ესენი ერთი ინჰალაციიდან მეორეზე მიდიან. ამ ადამიანებს ასე ცხოვრება აღარ უნდათ", - განაცხადა ვაშაძემ.

ცნობისთვის, დღეს ოპოზიციური პარტიების წარმომადგენლებმა შეხვედრა გამართეს. შეხვედრას ესწრებოდნენ, "ძალა ერთობაშიას", "ახალი მემარჯვენეების", "დემოკრატიული მოძრაობის", "ევროპული საქართველოს" და სხვა პარტიების წარმომადგენლები ესწრებოდნენ.