პარტია დღეს პოლიტსაბჭოს სხდომაზე იმსჯელებს, რა სტრატეგია ექნება პარტიას არჩევნების შემდეგ. "ევროპული საქართველოს" ერთ-ერთმა ლიდერის გიგა ბოკერიას შეფასებით, ეს არჩევნები არის უზარმაზარი უკან გადადგმული ნაბიჯი დემოკრატიის საკითხში.

„გვექნება პოლიტიკური საბჭოს სხდომა და ჩვენ ამ საკითხზე ვიმსჯელებთ, მაგრამ კიდევ ერთხელ მინდა ხაზი გავუსვა, რომ ჩვენს სტრატეგიაში არცერთ შემთხვევაში არ იქნება მოწოდებები ჯარის ან სამართალდამცავი ორგანოების მიმართ დაუმორჩილებლობის თაობაზე ან რაიმე იმ ტიპის ნაბიჯი რაც საქართველოს სტაბილურობას შეუქმნის საფრთხეს. მთავარი საფრთხე სტაბილურობის, დემოკრატიის საქართველოს საქართველოს ხელისუფლებისთვის არის დღევანდელი ხელისუფლება და ივანიშვილის რეჟიმი და ეს დასტურდება იმ უმძიმესი შეფასებებიდანაც რაც ვნახეთ ჩვენ საერთაშორისო დამკვირვებლებისგან ამ არჩევნებზე. მნიშვნელოვანია, რომ და ხაზგასმულია რაც ქართულმა საზოგადოებამ ისედაც იცის, რომ მდგომარეობა ხარისხობრივად გაუარესდდა პირველ და მეორე ტურებს შორის. ანუ ეს პრობლემები იქამდეც არსებობდა რაც ჩვენ ვნახეთ პირველი ტურის დასკვნაში, მაგრამ პირველ და მეორე ტურამდე ახალ ხარისხში აიყვანეს ეს პრობლემა. ვიმეორებ: მოსყიდვა, დაშინება, ფარულობის დარღვევა, კომბინაცია ამ ფაქტორების რაც დავინახეთ ჩვენ ამ არჩევნებზე როგორც მთავარი გამოწვევა და ზოგადად როგორც ერთერთი დიდი გამოწვევა ჩვენი ქვეყნის თავისუფალი და ნორმალური განვითარებისთვის", - განაცხადა ბოკერიამ.