ხვალ წყდება საკითხი, თქვენი ქვეყანა გეკუთვნით თქვენ თუ ბოლომდე ჯიბეში იდებს ოლიგარქი და მისი პატრონი რუსეთი. ხვალ არის ერთი მხრივ ხალხის კანდიდატი, გრიგოლ ვაშაძე და ივანიშვილის და რუსეთი და საქართველოს მტრების კანდიდატი, ეს მოღალატე ქალი, - ამბობს საქართველოს ყოფილი პრეზიდენტი მიხეილ სააკაშვილი ვიდეომიმართვაში, რომელიც ფეისბუქში გაავრცელა.

"მოდით ყველანი გავერთიანდეთ ჩვენი ქვეყნის გადარჩენის და მოვლის გარშემო"  - აღნიშნავს ყოფილი პრეზიდენტი.

„მაგრამ მე მინდა ერთ რამ იცოდეთ, საარჩვენო უბანში თქვენ რჩებით ერთი ერთზე საარჩევნო ყუთთან და საკუთარ სინდისთან და საკუთარ პასუხისმგებლობასთან საქართველოს ისტორიის და საქართველოს შემდგომი არსებობა-არარსებობის საკითხის გადაწყვეტის წინაშე და იქ უკვე თქვენ უნდა დადგეთ საქართველოს მხარეს.

სპეციალურად არჩევნები დანიშნეს სამუშაო დღეს, რომ ხალხი ვერ ჩავიდეს რეგიონებში თუ თქვენ მიდიხართ რეგიონებში და მანქანაში, მარშუტკაში გაქვთ თავისუფალი ადგილი, გთხოვთ, წაიყოლეთ ის ხალხი ვისაც საშუალება არ აქვს და მათაც მიაცემინეთ ხმა თავის ქვეყნის გადასარჩენად.

ხვალ წყდება საკითხი, თქვენი ქვეყანა გეკუთვნით თქვენ თუ ბოლომდე ჯიბეში იდებს ოლიგარქი და მისი პატრონი რუსეთი. ხვალ არის ერთი მხრივ ხალხის კანდიდატი, გრიგოლ ვაშაძე და ივანიშვილის და რუსეთი და საქართველოს მტრების კანდიდატი, ეს მოღალატე ქალი. აი, ეს არის არჩევანი და მოდით გვერდით დავდოთ ყველანაირი ჩვენი განსხვავებები და წინააღმდეგობები.

მოდით ყველანი გავერთიანდეთ ჩვენი ქვეყნის გადარჩენის და მოვლის გარშემო. მე ვარ დარწმუნებული ჩვენს გამარჯვებაში.

ჩვენ გველოდება ძალიან დიდი გამარჯვება წინ ხვალ და ძალიან დიდი გამარჯვებები საქართველოს და მისი მომავლის საკეთილდღეოდ. ჩვენ ისევ სწრაფად წავიყვანთ, თქვენ ისევ სწრაფად წაიყვანთ, თქვენს ქვეყანას წინ, იმიტომ რომ თქვენ ხართ მთავარი შემოქმედი, ქართველი ხალხი“, - ამბობს სააკაშვილი და მოსახლეობას ჰპირდება, რომ გამარჯვების შემთხვევაში  აუცილებად გაზრდიან პენსიას და შეუმსუბუქებს საბანკო ტვირთს, - ამბობს სააკაშვილი.

„ჩვენ დავაბრუნებთ წასულ ქართველებს და შევქმნით პირობებს რომ ჩვენი ახალგაზრდობა რჩებოდეს საკუთარ ქვეყანაში და საკუთარ ქვეყანაში არსებობდეს ღირსეულად. ჩვენ აუცილებლად ავწევთ პენსიას, როგორც დაგპირდით, ჩვენ აუცილებლად შეგიმსუბუქებთ საბანკო ტვირთს, როგორც დაგპირდით და არასოდეს არ მოგვიტყუებიხართ. მაგრამ ეს ყველაფერი მხოლოდ ახლაა დამოკიდებული თქვენზე. ჩვენ გამარჯვებიდან გვაშორებს სულ რამდენიმე საათი, მაგრამ ახლა ყველანი უნდა აღმოვჩნდეთ მოწოდების სიმაღლეზე. ძალიან დიდი იმედი მაქვს თქვენი პატრიოტიზმის, თქვენი ღირსების. საქართველოს სჭირდება ცვლილება, ცვლილების გარეშე ის დაიღუპება. საქართველო არის დაღუპვის პირას, და მხოლოდ ხვალინდელი გამარჯვება და ცვლილება რომელიც მოყვება ამ გამარჯვებას, გადაარჩენს მას და გაიყვანს სამშვიდობოზე“,  - ამბობს ვიდეომიმართვაში მიხეილ სააკაშვილი.