კორძაძეების თქმით, პოლიტიკური ნიშნით, ძროხები მოპარეს
ვანის მუნიციპალიტეტის სოფელ მუქედში ქურდობა მოხდა. კორძაძეების ოჯახს სამი ძროხა მოპარეს. დაზარალებულები ამბობენ, რომ ქურდობა პოლიტიკური ნიშნით მოხდა.
„ეს არის მთავრობის შეკვეთილი ამბავი“, - ამბობს დაზარალებული გივი კორძაძე და აღნიშნავს, რომ ამ ფაქტით ოჯახი დააშინეს და დასაჯეს, რადგან მისი შვილი პარტია „ევროპული საქართველოს“ კოორდინატორია.
ოჯახის უფროსის გიზო კორძაძის თქმით, მხოლოდ მისი პირუტყვი მოიპარეს, როცა ფერმაში საქონელი სხვასაც ჰყავს დატოვებული.
მომხდარზე შინაგან საქმეთა სამინისტრომ გამოძიება 117-ე მუხლით დაიწყო, რაც ქურდობას გულისხმობს.
