ევროპული საქართველოს ვანის რაიონული ორგანიზაციის თავჯდომარეს ემუქრებიან. კობა ძაგნიძე ამბობს, რომ მის ოჯახს მუქარა ბიძის მეშვეობით შემოუთვალეს და ეუბნებიან, რომ თუკი მეორე საპრეზიდენტო არჩევნების მეორე ტურში იაქტიურებს, შესაბამისად დასჯიან და პასუხს მოთხოვენ. ევროპული საქართველო მიმართავს ხელისუფლების პასუხისმგებელ პირებს და აფრთხილებს, რომ კობა ძაგნიძის მისამართით ნებისმიერი ინციდენტის შემთხვევაში მთელი პასუხისმგებლობა მათ დაეკისრებათ.

„ბიძაჩემს მანქანაში ჩაუჯდა კლიენტი, რომელიც რიგითი მგზავრი ეგონა, მაგრამ აღმოჩნდა ოცნების მხარდამჭერი. ოცნების მხარდამჭერი დაემუქრა ბიძაჩემს, რომ თუ შენი ძმა და შენი ძმის შვილები არ გაჩერდებიან აუცილებლად გავანადგურებთ მის ოჯახსო.“ - აცხადებს კობა ძაგნიძე