“ერალაშის” სამხატვრო ხელმძღვანელი, ბორის გრაჩევსკი, რომელიც თბილისში არ შეუშვეს, პირველ კომენტარს აკეთებს.

მასთან ერთად საქართველოს ტერიტორიაზე შესვლის ნებართვა არც რეჟისორ ალექსანდრ შეინსა და პროდიუსერ ვლადიმირ პეროჟკას მისცეს, რადგან სამივე ოკუპირებულ აფხაზეთში იყო ნამყოფი.

„საქართველოში რუსეთის საელჩო არ არის, თუმცა ფესტივალის ორგანიზატორები შვეიცარიის დიპლომატიურ წარმომადგენლობას დაუკავშირდნენ, აწარმოებდნენ მოლაპარაკებებს, მაგრამ საქართველოს შინაგან საქმეთა მონისტრი შეუვალი იყო“, – განაცხადა გრაჩევსკიმ.

სამივე პირი, რომელიც თბილისში არ შეუშვეს, რუსული კინოს ფესტივალზე  „პაემანი რუსეთთან“ დასწრებას აპირებდა.

„თავაზიანად გაგვისტუმრეს, ჩაგვსვეს თვითმფრინავში. რა თქმა უნდა, სამწუხაროა, ჩვენ ისე ვემზადებოდით,” – ამბობს გრაჩევსკი.

 „იქ ბევრი რამ იყო დაგეგმილი ბავშვებთან ერთად. ჩვენ ხომ ტურისტები არ ვართ, მე პოლიტისგან შორს ვარ, ძალიან საწყენია, რომ ქართველ მოღვაწეებთან უამრავი შეხვედრა ჩაიშალა“, - აღნიშნა გრაჩევსკიმ.