ხალხი ნაწყენია, მაგრამ არა გაბრაზებული, ხალხი არ არის ისე, რომ „ქართულ ოცნებას“ ვერ იტანს. არ არის ეს დამოკიდებულება, რომ „ქართული ოცნება“ ხალხისთვის აუტანელია, -  ამის შესახებ პარტია „ქართული ოცნების“ თავჯდომარემ გადაცემა „იმედი LIVE“-ში განაცხადა. 

მისი თქმით, „ნაციონალურ მოძრაობას“ რა თქმა უნდა ექნებათ მცდელობა, მაგრამ „კიდევ ერთხელ ვარწმუნებ საზოგადოებას, არ აქვთ არავითარი რესურსი, არც ქუჩის რესურსი აქვთ, 8 000 ან 10 000 კაცს აგროვებენ. მთავარი ძალა არის ხალხი. ხალხი ნაწყენია, მაგრამ არა გაბრაზებული, ხალხი არ არის ისე, რომ „ქართულ ოცნებას“ ვერ იტანს. არ არის ეს დამოკიდებულება, რომ „ქართული ოცნება“ ხალხისთვის აუტანელია. ხალხს ჰქონდა ძალიან ჯანმრთელი რეაქცია, არ მოიქცნენ ისე და აჩვენეს ხასიათი, ხალხი ნაწყენია და საფუძვლიანადაც. აქ ჩავდექი მე და დავასწარი, მადლობა ღმერთს, ადრე შემოვბრუნდი, თორემ ახლა ჩემს შემობრუნებას ფასი არ ექნებოდა“, - განაცხადა ივანიშვილმა.