ისრაელის პრემიერმა თავდაცვის მინისტრის პოსტიც დაიკავა
ბინიამინ ნეთანიაჰუმ ისრაელის თვდაცვის პოსტი დაიკავა და პრემიერის პოსტი შეინარჩუნა.
„ქვეყნის უსაფრთხოება არის პოლიტიკისა და პირადი ინტერესების მიღმა“- განაცხადა ნეთანიაჰუმ და აღნიშნა, რომ უსაფრთხოებასთან დაკავშირებული სიტუაციის გამო ვადამდელი არჩევნების დრო არ არის.
ისრაელის თავდაცვის მინისტრი ავიგდორ ლიბერმანი თავდაცვის მინისტრის თანამდებობიდან 14 ნოემბერს გადადგა. მან ეს გადაწყვეტილება მას შემდეგ მიიღო, რაც ისრაელის მინისტრთა კაბინეტი ჰამასთან და ღაზას სექტორში დაზავებას დათანხმდა.
