თურქეთის ვიცე-პრეზიდენტმა ფუათ ოქთაიმ განაცხადა, რომ საუდელი ოპოზიციონერი ჟურნალისტის ჯამალ ხაშოგის ცხედრის  მჟავაში შესაძლო გახსნის შესახებ  გამოძიება დაიწყო.
„მანამდე ჩვენმა პროკურატურამ განაცხადა, რომ ხაშოგის ცხედარი დაანაწევრეს, დღეს კი არსებობს განცხადება, რომ ცხედარო მჟავაში ჩააგდეს“, - განაცხადა ოქთაიმ სააგენტო Anadolu-სთან ინტერვიუში.

მისი თქმით, გამოძიება წარმატებით მიმდინარეობს, ამასთან არსებობს შეკითხვები საუდის არაბეთის ხელისუფლებასთან და მის მიმართ მოთხოვმა დამნაშავეების თურქეთისთვის გადაბენის შესახებ კვლავ ძალაში რჩება.

ჯამალ ხაშოგი Washington Post-ის მიმომხილველი იყო  დ ა აშშ-ში 2017 წლიდან ცხოვრობდა. ის სტამბოლში საუდის არაბეთის საკონსულოში 2 ოქტომბერს შევიდა და გაუჩინარდა.  

საუდის არაბეთმა 20 ოქტომბერს ხაშოგის მკვლელობის ფაქტი დაადასტურა, მისი განცხადებით, ჟურნალისტის გარდაცვალება საკონულოს თანამშრომლებთან ფიზიკურმა დაპირისპირებამ გამოიწვია. ამ საქმესთან დაკავშირებით 18 ადამიანი დააკავეს. სტამბოლის პროკურატურამ განაცხადა, რომ ხაშოგის მკვლელობა წინასწარგანზრახული იყო. მისივე განცხადებით ჟურნალისტი დაახრჩეს, მისი ცხედარი კი დაანაწევრეს და გაანადგურეს.