„რუსთავი 2“-ის გადაცემა „არჩევანში“ გაერთიანებული ოპოზიციის ლიდერს გიორგი ვაშაძესა და პარლამენტის წევრს ირაკლი სესიაშვილს  შორის სიტყვიერი დაპირისპირება მოხდა. ინციდენტი ირაკლი სესიაშვილის ძვირადღირებული სახლის შესახებ სუბარს მოჰყვა, რომელის შესახებაც რეპორტაჟი, „შაბათის კურიერის“ გავიდა

„თვალებში ნაცარს ნუ აყრით ხალხს, 37 ათას დოლარად სად ააშენებ ამხელა სახლს,“ - ამ განცხადებით მიმართა გიორგი ვაშაძემ, „ქართული ოცნების“ წევრს, ირაკლი სესიაშვილს.

"კორუმპირებული ხარ, აბა რა ხარ," - მიმართა ვაშაძემ სესიაშვილს. 

უმრავლესობის დეპუტატმა გიორგი ვაშაძეს წინა ხელისუფლების პერიოდი შეახსენა. 

„ფაბრიკაციებიც თქვენი პროფესიაა, ტყუილებიც თქვენი პროფესიაა, ძალადობაც თქვენი პროფესიაა და განსხვავებას რომ ვერ ხედავთ. მე გეტყვი განსხვავება რა არის. იცი რა ხელისუფლება გვყავდა, რომლის ნაწილიც იყავი, იცი რა მოძალადე იყო, როგორ აწამებდნენ, ბიზნესს როგორ ახევდნენ, სასამართლო როგორ ჯიბეში ედოთ, მედიას რას უშვებოდნენ, 7 ნოემბერი რად ღირს და მაინც მაგათთან დგეხარ,“ - უპასუხა სესიაშვილმა ვაშაძეს.