სადაც საუბრობენ, იქ მტკიცებულებებიც უნდა მოიტანონ, - ამის შესახებ საპრეზიდენტო კანდიდატმა სალომე ზურაბიშვილმა "ევროპული საქართველოს" პრეზიდენტობის კანდიდატის, დავით ბაქრაძის განცხადებასთან დაკავშირებით აღნიშნა, რომელმაც აქვე, რომ ჰააგას სასამართლოში საქართველოს საპასუხო სარჩელში რუსეთი სალომე ზურაბიშვილის ციტატებს იყენებს.

მისი თქმით, თუ ამ საკითხზე საკუთარი არგუმენტის მოყვანას საჭიროდ ჩათვლის, ბრიფინგს გამართავს.

"მე მიკვირს ის, რომ ახლა კამპანია მთავრდება, ერთი-ერთი მთავარი პარტიის წარმომადგენელს სხვა საქმე არ აქვს თუ არა ჩემზე ლაპარაკი. როგორც ჩანს, მე ვარ კამპანიის თემა. მე მგონი, საზოგადოება ელოდება იმას, რომ გაიგოს, ამ არჩევნებში რომელი საპრეზიდენტი კანდიდატი რას ჰპირდება მომავლისთვის. მე ამას ვეტყვი ამომრჩეველს, ვეუბნები და მე მგონი, დრო არის, რომ სხვებმაც გასცენ პასუხი ამ მთავარ კითხვაზე - რისთვის მოდიან, როგორც საპრეზიდენტო კანდიდატები", - განაცხადა ზურაბიშვილმა.

ცნობისთვის, "ევროპული საქართველოს" პრეზიდენტობის კანდიდატმა დავით ბაქრაძემ ბრიფინგი გამართა, სადაც განაცხადა, რომ ჰააგაში საქართველოს მიერ შეტანილ სარჩელზე რუსეთის წინააღმდეგ რუსეთმა მოამზადა საპასუხო სარჩელი რომელშიც არგუმენტებად მოყვანილია ციტატები სალომე ზურაბიშვილის წიგნიდან.