ხმელთაშუა ზღვის სანაპიროებთან 21 მიგრანტის ცხედარი იპოვეს
21 არალეგალი მიგრანტის ცხედარი აღმოაჩინეს ხმელთაშუა ზღვის სანაპიროებთან. ისინი ესპანეთის სანაპიროებამდე მიღწევას ცდილობდნენ.
მოცემული ინფორმაცია ზრდის დაღუპილი მიგრანტების რაოდენობას, რომელმაც 2018 წლის განმავლობაში 1 586-ს მიაღწია. ადამიანების სიკვდილის მიზეზი ის სახიფათო გზა ხდება, რომლის საშუალებითაც ევროკავშირის ტერიტორიამდე მისვლას ცდილობენ.
ბოლო წლების განმავლობაში არალეგალი მიგრანტების რაოდენობამ, რომლებმაც ევროკავშირის ტერიტორიაზე შეაღწიეს, მნიშვნელოვნად გაიზარდა. ამის მიზეზი ახლო აღმოსავლეთისა და აფრიკის ტერიტორიებზე მრავალწლიანი კონფლიქტებია.
