ჩემი განათლების მინისტრობის შემდეგ განათლების სისტემაში არც არაფერი გაკეთებულა, - ამის შესახებ საქართველოს პრეზიდენტმა გიორგი მარგველაშვილმა პარლამენტის წინაშე ანგარიშით გამოსვლისას განაცხადა.

მისი თქმით, 2013 წელს განხორციელებული რეფორმები რიგით მოქალაქეზე იყო ორიენტირებული.

„მახსენდება 2013 წელი, როდესაც ჩვენ ერთად ვმოღვაწეობდით საქართველოს მთავრობაში და ის სულისკვეთება, რაც მაშინ იყო, რადგან მაშინ განხორციელებული რეფორმები, ის რაც გააკეთა დავით სერგეენკომ, დავით კირვალიძემ, ის, რაც მე გავაკეთე განათლების სისტემაში და შემიძლია ვთქვა, რომ ამის შემდეგ განათლების სისტემაში არც არაფერი გაკეთებულა, იყო ორიენტირებული რიგით საქართველოს მოქალაქეზე, იყო ორიენტირებული იმაზე, რომ შცვლილიყო ყოფა რიგითი ქართველის, ასე მოხდა ჯანდაცვაში, ასე მოხდა სოფლის მეურნეობაში“, – განაცხადა პრეზიდენტმა.