საბანკო სექტორის საკუთარი სახსრები 4.6 მლრდ ლარს შეადგენს
2018 წლის პირველი მარტის მდგომარეობით, საქართველოს საბანკო სექტორი 16 კომერციული ბანკითაა წარმოდგენილი; მათ შორის 15 - საწესდებო კაპიტალში უცხოური კაპიტალის მონაწილეობით.
თებერვალში, წინა თვესთან შედარებით, საქართველოს კომერციული ბანკების მთლიანი აქტივები (მიმდინარე ფასებში) 186.9 მილიონი ლარით, ანუ 0.6 პროცენტით შემცირდა (გაცვლითი კურსის ეფექტის გარეშე შემცირებამ 0.2 პროცენტი შეადგინა) და 2018 წლის პირველი მარტისათვის 33.6 მლრდ ლარი შეადგინა.
საბანკო სექტორის საკუთარი სახსრები 4.6 მლრდ ლარს შეადგენს, რაც კომერციული ბანკების მთლიანი აქტივების 13.6 პროცენტია.
