ქაბულის ტერაქტზე პასუხისმგებლობა „ისლამურმა სახელმწიფომ“ აიღო
ქაბულის ტერაქტზე პასუხისმგებლობა „ისლამურმა სახელმწიფომ“ აიღო. ბოლო მონაცემებით, აფეთქების შედეგად 29 ადამიანი დაიღუპა და 52 დაშავდა.
აფეთქება ქაბულის უნივერსიტეტის შესასვლელთან მოხდა. თვითმკვლელმა თავი ხალხმრავალ ადგილზე აიფეთქა. ტერაქტი იმ დროს მოხდა, როდესაც მოსახლეობა ნავრუზის დღესასწაულს აღნიშნავდა.
