ჰოლივუდის პროდუსერი ჰარვი ვაინშტაინი, რომელიც სექს-სკანდალში გაეხვა, საკუთარ კომპანიას Weinstein Company-ის სასამართლოში უჩივის. ის თავის სამსახუროებრივი მიმოწერის დაბრუნებას ითხოვს.
კომპანიიდან გათავისუფლებული ვაინშტაინი პირადი საქმისა და ელექტრონული წერილების გადაცემას ითხოვს, რომლებიც მის სამუშაო აქაუნთში ინახება. სარჩელში ნათქვამია, რომ დოკუმენტების მეშვეობით, პროდიუსერი თავის დაცვას აპირებს.

ათობით ქალმა, მათ შორის ანჯელინა ჯოლიმ, ეშლი ჯადმა და გვინეთ პელტროუმ ვაინშტაინი სექსუალურ შევიწროებასა და ძალადობაში დაადანაშაულეს.

პროდიუსერი ყველა პოსტიდან გაათავისუფლეს, მათ შორის მის მიერ დაფუძნებული კომპანიიდან, რომლის წარმომადგენლებმაც უკვე დაიწყეს მოლაპარაკებები კერძო ინვესტორისთვის მის მიყიდვასთან დაკავშირებით.  
ვაინშტაინი Weinstein Company-ის თანათავმჯდომარის თანამდებობიდან გაათავისუფლეს, რომელიც მან ძმასთან ერთად დაარსა. თუმცა ვაინშტაინს ჯერ კიდევ ეკუთვნის კომპანიის აქციათა 22 პროცენტი.

ვაინშტაინის წინააღმდეგ გამოძიება ლოს-ანჯელესის პოლიციამ დაიწყო.