აშშ-ის ყოფილმა პრეზიდენტმა უფროსმა ჯორჯ ბუშმა ბოდიში მოუხადა მსახიობ ჰეზერ ლინდს, მას შემდეგ რაც მან ბუში სექსუალურ შევიწროვებაში დაადანაშაულა.

ლინდის თქმით, 93 წლის ბუშმა მას საჯდომზე ხელი მიარტყა და ბინძურად გაეხუმრა.

მსახიობმა ამის შესახებ „ინსტაგრამზე“ დაწერა, თუმცა შემდეგ პოსტი წაშალა. გამოცემებმა Daily Mail-მა და People-მა ეს ჩანაწერი შეინახეს.

ბუშის პრეს-მდივანმა განაცხადა, რომ ინციდენტი იუმორის გამოვლინებად უნდა შეფასდეს.

 „პრეზიდენტი ბუში არასდროს არანაირ გარემოებაში სულიერ ტკივილს განზრახ არავის მიაყენებს და ის გულწრფელ ბოდიშს იხდის იმისათვის, რომ მისი ხუმრობის მცდელობამ ქალბატონი ლინდი გაანაწყენა“, - ნათქვამია ოფიციალურ პრეს-რელიზში.

ბუში აშშ-ის პრეზიდენტის პოსტს 1989-1993 წლებში იკავებდა. უფროს ბუშს პარკინსონის დაავდება აწუხებს.

ინციდენტი სავარაუდოდ სატელევიზიო შოუს პრეზენტაციის დროს მოხდა, რომელშიც ლინდი მონაწილეობდა.