ლვოვის სასამართლომ უკრაინის საზღვრის უკანონოდ გადაკვეთს გამო ოდესის ყოფილი გუბერნატორის, მიხეილ სააკაშვილის მხარდამჭერებს 2-თვიანი წინასწარი პატიმრობა შეუფარდა.

დაკავებულ ალექსანდრ ბურცევს  საზოგადოებრივი წესრიგის დარღვევასა და  სამართალდაცველების მიმართ მუქარაშიც ედება ბრალი.

ლვოვის ოლქის პოლიციის განყოფილებაში აცხადებენ, რომ ამ დროისთვის პოლონეთისა და უკრაინის საზღვართან მომხდარი ინციდენტის გამო 2 ადამიანია დაკავებული.

სამართალდამცველებმა დაადგინეს  იმ 6 ეჭვმიტანილის  ვინაობაც, რომლებიც უკრაინა-პოლონეთის საზღვარზე საზოგადოებრივი წესრიგის დარღვევაში მონაწილეობდნენ.

დაკითხვაზე დაბარებულია 100-მდე ადამიანი, მათ შორის, დეპუტატებიც.