მალტაში ევროპის სახალხო პარტიის კონგრესზე მყოფი საქართველოს ყოფილი პრეზიდენტი მიხეილ სააკაშვილი უხერხულ სიტუაციაში აღმოჩნდა.

სააკაშვილი ფოტოებს Facebook-ის თავის გვერდზე აქვეყნებს, სადაც ჩანს, რომ ის დარბაზში ჰოლანდიის ქრისტიან-დემოკრატიული პარტიის ლიდერის ადგილზე ზის. ორგანიზატორებმა უხერხულობა მალევე აღკვეთეს და  წარწერები შეცვალეს.

სააკაშვილი კონგრესზე დელეგატად ”ერთიანი ნაციონალური მოძრაობიდან” დარეგისტრირდა.

”ოფიციალურმა ხელისუფლებამ საქართველოს მოქალაქეობა ჩომართვა და კანონით არ მაქვს უფლება, რომ ვიყო პარტიის ლიდერი, მაგრამ ევროპის სახალხო პარტიამ ანგარიში არ გაუწია ივანიშვილი-მარგველაშვილის გადაწყეტილებას და თავის კონგრესზე მალტაში, სიტყვა მომცა, როგორც "ერთიანი ნაციონალური მოძრაობის" ლიდერს”, - წერს  სააკაშვილი სოციალურ ქსელში.

უკრაინის რადიკალური პარტიის ლიდერი ოლეგ ლიაშკო ამ ფაქტმა აღაშფოთა და მიხეილ სააკაშვილის კონგრესზე დელეგატად დარეგისტრირების თემას Facebook-ზე გამოეხმაურა.

”მალტაში ევროპის სახალხო პარტიის კონგრესზე სააკაშვილი საქართველოს დელეგატად დარეგისტრირდა. ო, რა მატყუარაა! ქართველებს გაურბის, როგორც კურდღელი, რათა მკველობებისა და კორუფციისთვს არ დააკავონ, უკრაინელებს კი უკრაინისადმი სიყვარულის შესახებ ატყუებს”, - წერს ლიაშკო.