,,მოძრაობა თავისუფლებისთვის-ევროპული საქართველო’’ განცხადებას ავრცელებს, სადაც ,,გირჩის’’ თავმჯდომარეს ზურაბ ჯაფარიძეს ცრუ ინფორმაციის გავრცელებაში ადანასაულებს.

,,დღეს, ცენტრალური საარჩევნო კომისია განიხილავდა ,,ახალი პოლიტიკური ცენტრის – გირჩის” მიერ წარმოდგენილ სარეფერენდუმო კითხვას ,,უჭერთ თუ არა მხარს ქვეყანაში კანაფის და კანაფის პროდუქტების ლეგალიზაციას’’ რეგისტრაციის საკითხს. საკითხის განხილვის შემდეგ, ,,ცესკომ’’ უარი განაცხადა კითხვის რეგისტრაციაზე. აღნიშნულ კენჭისყრაზე სარეფერენდუმო კითხვის რეგისტრაციაზე უარის თქმის გადაწყვეტილებას მხარი არ დაუჭირა ,,მოძრაობა თავისუფლებისთვის-ევროპული საქართველო’’ წარმომადგენელმა დავით გურგენიძემ და მასთან ერთად კიდევ სამმა წევრმა. შესაბამისად, ,,გირჩის’’ თავმჯდომარის ზურაბ ჯაფარიძის მიერ გავრცელებული ინფორმაცია, რომ კენჭისყრაზე პარტიამ ,,მოძრაობა თავისუფლებისთვის-ევროპული საქართველო’’ რეფერენდუმის ჩატარების წინააღმდეგ მისცა ხმა არ შეესაბამება რეალობას და საზოგადოების შეცდომაში შეყვანის მცდელობაა“, - ნათქვამია განცხადებაში.