ერაყელმა ძალოვანებმა მოსულის მთავარი სახელისუფლო შენობა დაიკავეს
ერაყის უსაფრთხოების სამსახურებმა მოსულის მთავარი სამთავრობო შენობა დაიკავეს. ამის შესახებ ინფორმაციას სააგენტო ”როიტერი” ქვეყნის შსს-ის ელიტური ქვედანაყოფის წარმომადგენელზე დაყრდნობით ავრცელებს.
მანამდე ერაყის ფედერალური პოლიციის სწრაფი რეაგირების ძალებმა ქალაქის ცენტრში მდებარე მოსულის პოლიციის სამმართველოსა და სასამართლოს დეპარტამენტზე სრული კონტროლი დაამყარეს.
ერაყის არმია აგრძელებს მასირებულ იერიშს დასავლეთ მოსულში. ”ისლამური სახელმწიფოს” მებრძოლებისგან ქალაქის გათავისუფლების ოპერაცია საერთაშორისო კოალიცის დახმარებით, რომელსაც აშშ მეთაურობს, 2016 წლის ოქტომბერში დაიწყო
