თურქეთის პრეზიდენტმა რეჯებ ტაიპ ერდოღანმა გერმანიის ხელისუფლება ფაშისტური მეთოდების გამოყენებაში დაადანაშაულა. გავრცელებული ინფორმაციით, გერმანიის რამდენიმე ქალაქის მთავრობამ აკრძალა მიტინგები, რომლებზეც თურქი მინისტრები გერმანიაში მცხოვრები თურქების წინაშე უნდა გამოსულიყვნენ.

”გერმანია, შენ არ გაქვს დემოკრატიასთან არაფერი საერთო და უნდა იცოდე, რომ შენი ახლანდელი ქმედებები არ განსხვავდება იმისგან, რაც ნაციზმის დროს იყო”, - განაცხადა ერდოღანმა სტამბულში გამართულ მიტინგზე.

პრეზიდენტი ერდოღანი ცდილობს საკონსტიტუციო რეფორმისთვის გერმანიაში მცხოვრებ სამმილიონიან თურქულ მოსახლეობაში მხარდაჭერა მოიპოვოს.

კონსიტიტუციაში ცვილლებების შეტანასთან დაკავშირებით რეფრენდუმი თურქეთში 16 აპრილს უნდა გაიმართოს.

გერმანიის ხელისუფლების განცხადებით, მიტინგების გამართვა უსაფრთხოების გამო არ დაუშვეს.